Durrës, azil për njerëzit e pambrojtur

Një bashkëpunim midis Bashkisë së Durrësit dhe shoqatës “Nënë Tereza” ka bërë të mundur çeljen e një qendre për njerëzit e pambrojtur.

Qendra ndodhet në periferi të Durrësit dhe përveç mensës publike për të vobektit që është çelur një vit tashmë do të përfshijë edhe këtë azil për të pambrojturit dhe njerëzit që nuk kanë një strehë për të qëndruar.

Ky azil ka një kapacitet prej 18 shtretërish në një ambient tërësisht të rikonstruktuar. Në ceremoninë e përurimit merrte pjesë kryetari i Bashkisë së Durrësit Vangjush Dako, i cili deklaroi se Bashkia ka ndihmuar dhe do të vazhdojë të ndihmojë duke bashkëpunuar në projekte të ndryshme shtresat në nevojë.

Dako deklaroi se ndihma ndaj shtresave të tilla në nevojë është një prioritet i Bashkisë.