7 mrekullitë e reja të botës

Patjetër që keni dëgjuar për Kopshtet e Varuara të Babilonisë, apo Tempullin e Artemisës. Këto janë vetëm dy nga 7 mrekullitë e botës së vjetër, të cilat u shkatërruan njëra pas tjetrës. Vetëm një nga këto shtatë mrekulli, Piramida e madhe e Gizës i ka rezistuar kohës. Dhe tani përsëri, mrekullia e vetme e mbetur nga bota e vjetër, është kandidate për tu bërë një nga 7 mrekullitë e reja të botës.
Autori zviceran si dhe producenti i shumë filmave, Bernard Weber, filloi projektin e mrekullive të reja të botës në vitin 2000 dhe puna e tij do të finalizohet në 7 Korrik të 2007-ës. Sipas Weber-it qëllimi kryesor i këtij projekti është toleranca dhe respektimi i kulturave të ndryshme. Të gjithë, kudo që ndodhen mund të japin votën e tyre për mrekullitë e reja të botës. Sipas organizatorëve, pothuajse 25% e popullsisë në mbarë botën janë në dijeni të kësaj fushate.
Përveç mbledhjes së votave globale, Weber është duke përgatitur dhe një dokumentar me 21 finalistët ku futen Muri Kinez, Maçu Piçu, Statuja e Lirisë etj.