Ziso Kristopulli deshmon ne proces

Nje nga deshmitaret kryesore ne procesin ndaj ish zyrtareve te SHIK-ut qe akuzohen per torturimin dhe vrasjen e biznesmenit Remzi Hoxha, tregon torturat qe i jane bere ne mjediset e sherbimit sekret.

Ziso Krostopulli deshmoi para gjykatesve duke thene se e kishin detyruar me dhune te firmose se kishte qene pjese e planeve per vrasjen e ministrit te Brendshem dhe sabotimit te Kushtetutes.

“Jam goditur dhe rrahur vend e pa vend. Ne shputat e kembeve, ne bark dhe me pas te gjunjet”, thote Kristopulli, nje prej te mbijetuarve te rrembyer nga SHIK-u ne vitin 1995.

Ai deklaroi per mbi dy ore e gjysme te gjitha rrethanat e rrembimit te tij, mbajtjes peng ne Vain te Lezhes dhe torturimin qe ju be pergjate pese diteve nga agjente te SHIK-ut.

Deshmitari ka akuzuar direkt per dhunen e paprecedente dy te pandehurit, Budion Mece dhe Ilir Kumbaro, qe sipas tij e kishin keqtrajtuar ne menyre cnjerezore. Kristopulloi u tha gjyqtareve se Avdyl Loshajn e njihte, per shkak se ai kishte bere pushime ne lokalin e tij, kurse per Remzi Hoxhen kishte degjuar ne dhomat ku ai torturohej dhe se i kishte degjuar te bertiturat.

Deshmitari shtoi se agjentet e SHIK-ut e kishin detyruar me dhune te firmoste dokumenta ne baze te te cilave akuzohej per trafik armesh me Serbine, falsifikim te kushtetutes dhe tentative vrasjeje te ish ministrit te Brendshem, Agron Musaraj.

Gjate marrjes ne pyetje nga SHIK, Kristopulli u tha gjyqtareve se ngaqe nuk u duronte dot me tej torturat ka firmosur qe e njihte edhe Remzi Hoxhen me te cilin ishte bashkepuntor.

I pyetur nga gjykata per secilin nga te pandehurit Kristopulli tha per Avni Koldashin, se nuk kishte asnje akuze kunder tij, pasi ishte sjelle shume mire me te.

Ndersa perkunder deklaratave dhene prokurorise deshmitari mohoi ta njihte, Arben Sefgjinin. Ne kohen qe Ziso Kristopulli dha deshmine e tij mbi rrembimet e trefishta me pasoje zhdukjen e Remzi Hoxhes, ne sallen e gjykates nuk ishte asnjeri nga te akuzuarit e prokurorise, as drejtori i Pergjithshem i Tatimeve, Arben Sefgjini dhe as ish shefi i bazes vezhguese te SHIK, Avni Koldashi.