Pedofilia, Braun “tregon” shoket

Pedofilia, Braun “tregon” shoket
Mbrojtja e anglezit Devid Braun ka deklaruar se dhuna seksuale ne qendren e bamiresise “Femijet e Tij” eshte kryer nga Dino Kristodulu dhe Robin Arnold, dy te pandehur te tjere angleze per kete ceshtje, por qe gjykohen ne nje proces te vecante.

Avokatja e Braun, per 80 minuta ka lexuar mbrojtjen e pergatitur ne baze te cdo deshmie te femijeve, duke dashur te rrezoje akuzat e ngritura nga disa prej tyre per klientin e saj.

Ne pjesen me te madhe te kesaj mbrojtjeje, avokatja ka evidentuar kushtet jo te keqija te qendres bamirese dhe ka shpjeguar edhe pamundesine e fondeve per te patur nje shtrat per cdo femije.

Por ne te kunderten e saj qe PAMECA, agjencia policore e huaj ne vendin tone, ka deklaruar, mbrojtja e Braun tha se e kishte njoftuar nje nga zyrtaret e larte te saj, Alan Majer, per ate qe kishte ndodhur aty.

Kjo sipas mbrojtjes, e rrezonte nga akuzat Braun, i cili personalisht kishte denoncuar tek PAMECA dy koleget e tij per ate qe kishin kryer ne qendren e bamiresise. Kohe me pare PAMECA e kishte hedhur poshte kete deshmi te Braun, nderkohe qe kishte pranuar faktin se do ta ndihmonte ate me fonde per zgjerimin e qendres.

Pika tjeter ku u perpoq te mbrohej anglezi ishte fakti se pas dyshimit qe kishte per Kristodulu dhe Arnold, i kishte derguar tek klinika “ABC” per t’i bere analizat femijeve nese ishin dhunuar seksualisht ose jo.

Dhe sipas tij, fill pas pergjigjes kishte kryer edhe denoncimin ne PAMECA. Perfundimisht, Gjystina Golloshi ka kerkuar pafajesine perpara gjykates per Braun.