Dhjetë për qind e kinezëve të varur nga lojërat e ‘rrezikshme’

Sikur që nuk mjafton që shëtitën nëpër faqe potencialisht të rrezikshme të cilat do të mund të rrezikojnë ideologjinë thellë të ngulitur në ta, çdo ditë e më shumë kinezë të rinj kanë filluar të krijojnë varësi në video-lojëra, kanë njoftuar autoritetet kineze.
Siç raporton gazeta Beijing Times, rreth dhjetë për qind e përdoruesve të rinj janë të varur nga lojërat potencialisht të rrezikshme, dhe këtë sipas Lee Jiang, kryetarit të komitetit përgjegjës për këtë problematikë në Kongresin popullor kinez.

Jiang deklaron se janë rreth 10 për qind e përdoruesve të internetit më të rinj se 18 vjet të cilët janë potencialisht të varur nga lojërat të cilat brenda vetes përmbajnë materiale ‘ilegale’, siç është dhuna, pornografia apo elemente të ngjashme të cilët do të mund të dëmtonin ideologjinë kineze tek të rinjtë.

Microsoft ka vendosur të bëj edhe hap tutje në luftë kundër pronarëve të kopjeve ilegale të Windows, të cilët, dorën në zemër, janë më shumë sesa ata legal.
Kanë kaluar rreth dy vite prej paraqitjes së mekanizmit të Microsoftit, WGA, apo Windows Genuine Advantage Notification detyra parësore e të cilit ka qenë njoftimi i përdoruesve se janë duke përdorë kopje ilegale të Windows-it (sikur nuk e kanë ditur secili pa i thënë askush).

Natyrisht, kjo ‘pengesë’ shpejt është kaluar nga ana e atyre të cilët merren me softuer ilegal. WGA nga kjo javë është avancuar edhe më, prandaj prej tani e tutje Windows XP-të ilegalë do të bëjnë që sipërfaqja punuese e përdoruesit të bëhet krejt e zezë, një gjë që do të paraqitet ëdo gjashtëdhjetë minuta të përdorimit të kopjes ilegale të Windows.

Pos “errësimit” të ekranit, në pjesën e tij të poshtme do të paraqitet një porosi transparente për faktin se ju jeni duke përdorë kopje ilegale të Windows. Të gjitha këto telashe, natyrisht, mund të hiqen qafësh duke instaluar softuerin origjinal.

E tani ajo ana pozitive për të gjithë ju ‘dashakëqij” të cilët përdorni kopje ilegale të softuerit, nëse i bëni azhurnim (update) sistemit tuaj operativ vetëm ‘hidhjani syrin” asaj që po instaloni, sepse ndoshta nuk dëshironi të instaloni WGA Notifications. Mirëpo, siç qëndron kjo punë në botën e informatikës, kur prodhuesi ia vendos përdoruesit ndonjë problem, ky gjithmonë e gjen formën për ta anashkaluar.