Apel qytetareve per te dhuruar gjak

Mungesa e gjakut në spitale ka bërë që autoritet shndetsore të apelojnë për të dhuruar gjak. Ministria e Shëndetësisë kërkoi nga qytetarët që të dhurojnë gjak vullnetarish, pasi rezervat e gjakut për të sëmurët kanë përfunduar. Zëvendësministri i Ministrisë së Shëndetsisë, Arben Ivanaj, duke i’u referuar situatës aktuale, u shpreh se në 10 ditëshin e fundit të gushtit, pacientët me sëmundje kronike, kanë marrë 2 herë më pak gjak, se sa ishte parashikuar të merrnin. Kjo situatë u krijua sepse stoku aktual në spitale dhe në bankat e gjakut është pakësuar ndjeshm dhe nuk mund të mbulohen nevojat që kanë pacientët. Sipas tij, kurba e dhurimeve vullnetare gjatë verës bie. Ai garantoi se gjaku që dhurohet shkon në destinacion dhe mirëpërdoret në klinikat dhe pavijonet e spitaleve. Ai u shpreh se Ministria e Shëndetësisë, tashmë ka një strategji kombëtare të transfuzionit të gjakut, e hartuar në vitin 2006, e cila në thelbin e saj parashikon zëvendësimin e dhuruesve të paguar në dhurues vullnetarë. Situata në spitale është tepër e vështirë dhe emergjente, përsa i përket furnizimit me gjak për pacientët që kanë sëmundje të cilat kërkojnë furnizimin e vazhdueshëm të trupit me gjak. Talasemikët janë një nga kategoritë e pacientëve që e kan të domosdoshme marrjen e gjakut. Aktualisht, mjekët thonë se ata po kurohen me doza tepër të ulta, por e kanë të nevojshme furnizimin e herëpashershëm me gjak. Rezervat e spitaleve kanë shkuar në fund dhe nuk ka asnjë mundësi furnizimi për plotësimin e nevojave. Ndërkohë që autoritet shndetsore theksojnë se numri i dhuruesve është tepër i ulët dhe i pamundur për të plotësuar të gjitha nevojat. Askush nuk di të japë një përgjigje për zgjidhjen e kësaj situate që duket se do të vazhdojë për shumë kohë, ndërkohë që autoritetet shëndetësore po japin alarmin për plotësimin ebankinave me gjak dhe importimin e menjëhershëm të dozave të nevojshme.

Emërimet e reja në shëndetësi, në shtator

Emërimet e reja në Ministrinë e Shëndetësisë dhe në Drejtorinë e QSUT-së pritet të bëhen në muajin shtator. Megjithëse dita e djeshme ishte parashikuar që do të bëhej emërimi i drejtuesit të ri të QSUT-së, tashmë kjo gjë nuk konfirmohet, por sipas disa zërave pritet që emërimet do të bëhen pas pak ditësh. Por, në Ministrinë e Shëndetësisë largimet dhe emërimet e reja janë bërë para pak ditsh dhe tashme mbetet që të bëhen zëvendësimet në administratën dhe drejtorinë e QSUT-së, ku dihet edhe emri i ri i zëvendësueses së Mati Pepës. Ky i fundit, kishte deklaruar se pas përfundimit të pushimeve verore do të bënte dorëzimin e postit të tij në Krye të Drejtorisë së QSUT-së, e cila pritej prej shumë kohsh, pas mosmarrëveshjeve që kishte me ish-ministrin Nard Ndoka. Kështu, reforma që do të bëhet në krerët e shëndetësisë konsiston në rritjen e cilësisë së shërbimit dhe menaxhimit të medikamenteve në QSUT.

te te bej nje pyetje ti ti ke dhene ndonjehere gjek?
po analiz gjku ke bere?
cfar grupi gjku je ?
pa bere keto si mund te dhurosh gjak te sigurt?

eh duhen bere te gjitha keto qe citoi kitushi me lart por qe kush ka dhuruar gjak sma mer mendja se kane bere ato analiza me perpara.
Une per veten time skam dhuruar asnjehere gjak se mezi e kam kete pak gjak qe kam .