Uragani "Ajk" fuqizohet, serish alarm ne SHBA

Ndersa "Ajk" po fuqizohet, Haiti nuk eshte "sheruar" nga plaget e uraganeve te meparshme, ndersa Kuba i kerkon ndihme SHBA-se.

Uragani “Ajk” po merr fuqi dita dites duke u klasifikuar ne kategrorine 3 tashme. Ererat e dhe shirat e furishem po i drejtohen Karaibeve ku pak dite me pare uragani “Gustav” solli shkaterrime te medha dhe humbje ne njerez. Me pas itenerari i uraganit eshte ne drejtim te Gjirit te Meksikes, duke vene ne alarm serish popullsine e Nju Orlins, e cila para pak ditesh boshatisi pothuajse gjithe qytetin. Lajmin e ben te ditur Qendra e Uraganeve ne Majemi.

Nderkohe me brigjet amerikane eshte perplasur stuhija tropikale, “Hana”, e cila deri ne keto momente ka shkaktuar deme ne Karolinen e Veriut dhe Jugut, por pa lene pas viktima. Nderkohe, ne Haiti autoritetet kane komunikuar zyrtarisht se numri i viktimave pas kalimit te “Gustavit” dhe “Hanes” eshte 577.

Nje tjeter vend i goditur ashper nga uraganet e stines eshte edhe Kuba. Tekat e natyres e kane detyruar vendin komunist t’i kerkoje ndihme SHBA-se per here te pare pas shume vitesh. Autoritetet e Havanes u kane kerkuar shoqerive amerikane te hapin linjat e kreditit. Pak dite me pare, zyrtaret kubaneze falenderuan Uashingtonin per hidherimin e shprehur per viktimat dhe demet e shkaktuara nga “Gustav”, por ata nuk saktesuan nese do pranonin ndihme financiare nga SHBA.