Ermali dhe Ami ne Madrid per fustane nuserie

Bukuroshja e “Portokalli”- së Amarda Toska dhe i fejuari i saj, Ermal Mamaqi, ndodhen në Madrid këto ditë të fundgushti, për pushime, por veçanërisht për punë. Atje do të blejnë fustane nusërie, për “Ami Special Events”, që ndodhet në rrugën “21 Dhjetori”, një biznes për organizimin e dasmave dhe eventeve të tjera. Madje, kjo ka qenë edhe arsyeja që ata nuk kishin bërë asnjë ditë pushim këtë verë, pasi kishin planifikuar për të mbyllur dhjetëra evenimente. E në fakt ky sezon për Amin dhe Ermalin, ka qenë më i tensionuar për shkak të punëve të shumta, por edhe tejet i lumtur. Tani që biznesi i tyre është konsoliduar, ata vendosën që përveç impenjimeve të ceremonive të shumta, të mendonin edhe për apartamentin e përbashkët, të mobiluar sipas shijeve të tyre. Apartamenti, ndodhet pak hapa larg zyrave të punës dhe ata sapo gjejnë kohën e lirë, shijojnë relaksin në
shtëpinë e ëndrrave të tyre. Por pasi të kthehen nga Madridi, Ami do t’i rikthehet punës intensive për sezonin e ri “Portokalli” në “Top Channel”, ndërsa Ermali që pas largimit nga ky spektakël do vazhdojë t’i përkushtohet totalisht biznesit të tij