Mbi 30 trajlera me targa shqiptare kane mbetur te bllokuara ne doganen e Kapshtices per shkak te zgjatjes se greves se doganiereve greke.
Drejtuesit e tyre jane nisur gjate nates se djeshme pasi kane kujtuar se dogana do te rihapej mengjesin e se merkures, por ne dogane jane njohur me faktin se doganieret greke e kane zgjatur greven edhe dy dite te tjera.
Edhe ne piken e kalimit kufitar te Kakavijes njoftohemi se sot ne mengjes ka patur fluks te automjeteve per te kaluar ne Greqi, por qe jane keshilluar nga forcat e policise qe te kthehen.
Greva e doganiereve greke nisi mengjesin e se henes dhe pritet te vazhdoje deri mengjesin e se premtes. Kjo greve ka paralizuar teresisht levizjen ne te dyja anet e kufirit si dhe ka penguar shkembimet tregetare.
Greqia eshte nje nga partneret ekonomike kryesore per Shqiperine. Humbjet per te dyja palet jane te konsiderueshme.
Sipas te dhenave qe na vijne nga korespondentja e Top Channel ne Gjirokaster vetem ne doganen e Kakavijes nga fillimi i greves humbjet jane rreth 25 milione leke te reja ne dite.
Greva parashikohet qe te zgjase edhe disa dite per shkak se doganieret greke kerkojne shfuqizimin e nje takse vendosur ndaj tyre, takse e cila ka marre tashme edhe voten e parlamentit.