Reforma, Leskaj: Nuk kemi fryte konkrete

Kryetarja e grupit kuvendor socialist, Valentina Leskaj deklaroi se puna në Komisionin Zgjedhor nuk po jep fryte konkrete.

"Maxhoranca ka marrë përgjegjësi për protesimin e reformës zgjedhore. Kryeministri duhet të tregojë se po plotëson standartet e kërkuara nga të huajt dhe opozita", u shpreh Leskaj.

Drejtuesja e deputetëve socialistë falenderoi ambasadorin e KE-së, Helmut Lohan për kërkesat e tij në kuadër të plotësimit të ligjit të zgjedhjeve.

Diplomati i BE-së, tërhoqi vëmendjen se edhe pse jemi vetëm nëntë muaj larg zgjedhjeve, nuk është hartuar as Kodi i ri Zgjedhor, nuk është ngritur Komisioni i ri Qendror i Zgjedhjeve, si dhe nuk janë përfunduar prodhimi i kartave të identitetit për të gjithë qytetarët, si dhe regjistri themeltar i shtetasve.