Shpërthim në fabrikën e çimentos, plagoset kinezi

KRUJË - Aksidentohet në punë gjatë shpërthimit të një sasie eksplozivi një punonjës kinez. Ngjarja ka ndodhur në një fabrikë çimentoje që është në ndërtim e sipër, në fshatin Borizan të rrethit të Krujës. Sipas burimeve paraprake, gjatë shpërthimit të eksplozivit nga një tjetër punëtor për zgjerimin e territorit, 34 vjeçari Xeng Uling është trembur nga shpërthimi dhe ka rënë nga një lartësi duke pësuar dëmtime të rënda. I dëmtuari është dërguar menjëherë në Spitalin Ushtarak të Tiranës ku dhe ndodhet në gjendje kritike për jetën. Sipas burimeve policore nga vendi i ngjarjes shkelja e rregullave teknike në përdorimin e eksplozivit për shpërthim ka shkaktuar dhe këtë ngjarje ndërkohë që është shoqëruar për në komisariatin e policisë dhe pronari i fabrikës një nga punëtorët që ka kryer shpërthimin me eksploziv.