Angli, gjobitet 70 paund se hedh plehrat në kosh..!!

Një pensionist nga Lincolnshire u gjobit me 75 paund, sepse vendosi një çantë me plehra, në një kosh plehrash. John Richard, 84-vjeçar, la një pako të paketuar mirë në një kosh publik, në vend që të priste për dhjetë ditë makinën që grumbullon plehrat nga koshat e shtëpive private.
Por autoritetet e bashkisë zbuluan se ku banonte, i bënë publik emrin dhe i dërguan në shtëpi faturën e gjobës prej 75 paundësh. Ata thonë se gjoba e tij shkon deri në 2500 paund nëse shkon në gjykatë, por zoti Richards nga Boston, preferoi t’i dorëzojë tre të katërtat e pensionit javor për të paguar gjobën prej 75 paundësh. Ai thotë: “Kjo është qesharake. Nuk kam hedhur asgjë në tokë gjatë gjithë jetës sime. Jetoj në një shtëpi të vogël dhe nuk ka kuptim ta mbash ushqimin e prishur në ambientet e shtëpisë dhe të presësh sa të vijë makina e grumbullimit”. Zëdhënësi i Këshillit thotë: “Koshat publikë duhen t’i përdorin të gjithë. Nëse ata mbushen vazhdimisht nga të njëjtat persona atëherë ata bëhen problem”.

sh mire. Duhet te vihet dhe ketu ky ligj, qe kshu shqiptaret mesohen dhe i hedhin plert ne vendin e caktuar
dhe jo nga ballkonet