Ligji i ri per gjyqesorin, KLD percjell verejtjet

Keshilli i Larte i Drejtesise ka dorezuar prane komisionit te ligjeve komentet dhe vleresimet ndaj draftit ligjor te paraqitur nga qeveria per administraten gjyqesore. KLD rekomandon tre permiresime te ndjeshme.

Institucioni qe drejtohet nga presidenti i vendit rekomandon se ky projektligj duhet te jete ne formen e dispozitave shtese ne ligjin per organizimin dhe funksionimin e pushtetit gjyqesor dhe jo ligj i vecante.

Ky pretendim i KLD-se mbeshtetet ne dy dispozita ne ligjin per organizimin dhe funksionimin e pushtetit gjyqesor, ne te cilat theksohet se funksionimi dhe organizimi i gjyqesorit do te jene pjese perberese te atij ligji.

Ne keto kushte, KLD vlereson se miratimi i nje projekti te vecante shkakton perplasje te dy ligjeve. Ne rekomandimin e dyte, KLD i referohet kompetencave te kancelarit, per te cilat thote qe te mos shtohen pasi ligji per organizimin dhe funksionimin e gjyqesorit i ka parashikuar ne nje dispozite kompetencat e kancelarit dhe se ato nuk mund te shtohen permes nje ligji tjeter, nderkohe qe e kunderta ndodh me kompetencat e kryetarit te gjykates, te cilat mund te shtohen.

Si rekomandim te trete ne lidhje me draftin ligjor te administrates gjyqesore, KLD rendit faktin se funksionimi dhe organizimi i administrates gjyqesore nuk mund te jene diskrecion dhe kompetence e Ministrit te Drejtesise.

Duke iu referuar dhe sugjerimeve te Euralius, KLd thote se ato duhet te jene dispozita te vecanta ne ligj, te cilat parashikojne organizimin dhe funksionimin e sistemit gjyqesor, nderkohe qe projekti aktual parashikon te drejten e ministrit per te nxjerre akte dhe rregullore per organizimin dhe funksionimin e administrates gjyqesore.

Verejtjet e KLD per draftin ligjor per administraten gjyqesore te propozuar nga qeveria, i cili ndodhet ne komisionin e ligjeve per miratim, i jane paraqitur Kuvendit permes nje shkrese, pasi ky institucion nuk ka marre ftese per debat nga komisioni i ligjeve, por i eshte kerkuar me shkrim paraqitja e sugjerimeve dhe rekomandimeve.

Pak kohe me pare opozita dhe shoqata kombetare e gjyqtareve e kundershtuan me force projektligjin e qeverise me argumentin se eshte anti-kushtetues, cenon pavaresine e gjyqesorit dhe demton punen e perditshme te gjykatave.