Kapet me kokaine shoferi i Ambasades shqiptare ne Itali

Shoferi i ambasadës shqiptare ne Itali kapet me 1 kilograme drogë të llojit kokainë. Agjencia e lajmeve italiane publikoi sot lajmin se shoferi i ambasadës shqiptare në Romë, Arsen Selmanllari ka përfunduar në pranga pasi është kapur me një sasi të konsiderueshme kokaine në Itali.
Arrestimi i Selmanllarit, 33 vjec është bërë nga grupi hetimor i krimit të organizuar të Guardia di Financias së Milanos. Në makinën e tij me targa diplomatike, Selmnallari kishte fshehur plot një kg kokainë. Bashkë më shoferin e ambasadës shqiptare, është arrestuar edhe një grua shqiptare, emri i të cilës nuk është publikuar nga autoritetet italiane. Arrestimet janë kryer gjatë një kontrolli policor ne autostradë në dalje të Milanos. Policia i ishte afruar dy shqiptarëve shumë qetësisht, por pyetjeve të tyre dy shqiptarët i janë përgjigjur në mënyrë nervoze. Policia i ka detyruar të dy të hapin bagazhin e makinës, ku u gjet dhe sasia plot 1 kilogramë e kokainës. Selmanllari ka replikuar me policinë duke u treguar madje dhe një dokument të Ministrisë së Jashtme të Shqipërisë me emertimin si përfaqësues diplomatik. Por, pas disa konsultimeve me autoritetet shqiptare, Selmanllarit i eshte hequr imuniteti që gëzojnë diplomatët e misioneve të huaja në Itali.
Pas arrestimit, drejtori i antimafias rajonale, Marcelo Musso ka kërkuar që të dy shqiptarët të mbeten në burg.