Parlamenti "injoron" grevën e urisë së deputetëve

Seanca e sotme e parlamentit u hap dhe u mbyll duke patur ne tribunë të saj deputetët grevistë. Ata vazhduan grevën pavarësisht se Kuvendi i drejtuar nga Kryetarja e Parlamentit Jozefina Topalli vazhdoi me rendin e ditës.
TIRANE-Seanca e sotme e parlamentit u hap dhe u mbyll duke patur ne tribunë të saj deputetët grevistë. Ata vazhduan grevën pavarësisht se Kuvendi i drejtuar nga Kryetarja e Parlamentit Jozefina Topalli vazhdoi me rendin e ditës. Deputetë të LSI, PDK, PS-91 që ndodhen në grevë u mbrojtën nga kolegë të tyre deputetë të këtyre partive. Këta deputetë kërkuan ndërprerjen e seancës në respekt të nismës së ndërmarrë nga grevistët. Seanca e cila filloi rreth orës 12:00 dhe përfundoi rreth orës 13.10 minuta me miratimin e disa pr/ligjve. Në parlament ishin të pranishëm deputetë të PS dhe PD të cilët morën pjesë në miratimin e pikave në rendin e ditës.

Kuvend, perfundon seanca, asnje vendim per deputetet greviste

Ora 13:15-Perfundon seanca e Parlamentit. Pas miratimit te disa pikave ne rendin e dites, Kryetarja e Parlamentit, Jozefina Topalli deklaroi mbylljen e seances. Nderkohe 10 deputetet greviste vazhduan te qendrojne ne tribunen e Kuvendit.

Perfundon debati i lire, Topalli vijon me rendin e dites

Ora 12:59-Pas përfundimit të debatit të lirë, kryetarja e Parlamentit, Jozefina Topalli kërkoi të vazhdohet me rendin e ditës. Pavarësisht kërkesës së disa deputetëve që në respekt të deputetëve grevistë, të ndërpritet seanca plenarë, kryetarja e parlamentit kërkoi vazhdimin e seancës me miratimin e disa projektligjeve që parashikuara në rendin e ditës.
PS, Brace i jep të drejtë grevës. Hap debat për turizmin

PS, Brace i jep të drejtë grevës. Hap debat për turizmin

Ora 12:55-Nënkryetari i grupit parlamentar të PS pasi shprehu qëndrimin e tij për grevën e deputetëve, vazhdoi deklaratën me akuza ndaj dhëndrit të kryeministrit Berisha, Jamarbër Malltezi. Brace e akuzoi Malltezin për afera korruptive në projektin në bregdetin e jugut. Ndaj deklaratës së tij, replikoi Ministri i Tranporteve Sokol Olldashi dhe ai i Turizmit, ylli Pango.
Pak para deklaratës për projektin në bregdetin e jugut, numri dy i deputetëve socialistë në Parlament, Erion Brace deklaroi se greva e zhvilluar nga kolegë të tij deputetë është një zgjedhje dhe e drejtë që e gëzon kushdo në emër të Kushtetutës. Por, Brace tha gjithashtu se pjesëmarrja e PS në seancën e sotme parlamentare është gjithashtu një e drejtë e Kushtetutës.

Lesi: Nga grevistët, njoh më mirë Metën

Ora 12:35-Deputeti, ish-kryetar i PDK, por tani kryetar i Lëvizjes Demokristiane doli sot në mbrojtje të kreut të LSI, Ilir Meta. “I njoh të gjithë ata që po bëjnë grevë aty, por miku më i mirë është Ilir Meta. Burrë i fjalës që po sakrifikohet për vendin”, tha Lesi. Në fjalën e tij nuk u përmend Ndoka, të cilit Lesi i kaloi drejtimin e PDK para 2 vjetësh. Ndoka po vazhdon greven ne emer te partise se tij, PDK.

Deputeti grevist, Gjini: Dalim që këtej vetëm të vdekur

Ora 12:10-Deputetët grevistë kanë shprehur qëndrimin e tyre. Deputeti grevist Frrok Gjini deklaroi se nuk tërhiqen ndaj kërkesës së tyre për Kodin Zgjedhor. “Ne dalim vetëm të vdekur nga kjo sallë. Do mbrojmë votën e lirë. Nuk do na shkelni të drejtën”.

Deputete ne mbeshtetje te kolegeve greviste, kerkojne nderprerjene seances

Ora 12:00-Deputeti Luan Memushi, Jak Ndoka u shprehen ne mbrojtje te kerkesave te grevisteve. Edhe ata perseriten kerkesat e grevisteve duke i mbrojtur ato. Deklaratave te tyre iu bashkangjiten, deklaratat e Spartak Ngjeles, Dritan Priftit. Sipas tyre eshte absurde qe sot te vazhdoje seanca ne keto kushte. Ata kerkuan nderprerjen e punimeve te Kuvendit.

Topalli hap seancen, deputetet vazhdojne greven

Ora 11:55-Parlamenti nis seancën e radhës parlamentare. Ndërsa deputetët grevistë janë ulur përpara podiumit, ne tribune te parlamentit dhe vazhdojnë grevën, Kryetarja e Parlamentit Jozefina Topalli hapi punimet e seancës parlamentare të radhës. Topalli kërkoi të vazhdohet me debatin e lirë rreth 60 minuta dhe më pas më rendin e ditës. Pak poshte tryezes se ministrave afishohet nje parrulle e grevisteve ku lexohet qarte "Vota eshte e shenjte"

LSI, Prifti: Jemi optimistë

Ora 11:35-Nënkryetari i LSI, Dritan Prifti u shpreh sot se greva do të japë rezultatet e saj. “Jemi optimistë. Nuk ka arsye të tërhiqemi. Jemi bashkë me grevistët. Rroftë vota e lirë”.

Ngjela: Nuk ka demokraci pa votë te lire

Ora 11:30-Deputeti i Qëndrës, Spartak Ngjela bashkoi zërin me protestuesit në ndihmë të deputetëve grevistë. “Nuk ka demokraci pa votë të lirë”, tha ai mes të tjerash në thirrjen për respektim të verdiktit të popullit.

PD: Presim të nisim seancën

Ora 11:15-Deputetë të PD shprehen se ata jane gati per seancën parlamentare të radhës. Sipas tyre, seanca do të vazhdojë normalisht.

PS: S'kemi lidhje me greven. Do marrim pjese ne seance

Ora 11:05-PS vendos marrë pjesë normalisht në seancën e sotme parlamentare. Grupi parlamentar i kësaj partie zhvilloi një mbledhje në përfundim të së cilës doli me një qëndrim rreth greves qe po zhvillohet ne ambientet e Kuvendit . PS vendosi që të marrë pjesë në seancën që pritet të zhvillohet sot në Kuvend. “Do zhvillojmë normalisht seancën”, tha Grupi Parlamentar i PS pas mbledhjes.

3 deputetë të pavarur i bashkohen protestës

Ora 10:10-Deputetët Spartak Ngjela, Nikollë Lesi e Gilman Bakalli i janë bashkuar protestës së mbështetësve së deputetëve grevistë. Bashkë më protestuesit, të tre deputetët u janë bashkuar thirrjeve për mbrojtjen e votës së lirë nga dy partitë e mëdha, PS e PD.

Greva, PS mbledhje grupi

Ora 09:50-Grupi parlamentar i PS po zhvillon në selinë e PS një mbledhje ku pritet të diskutohet rreth grevës që është ndërmarrë nga LSI, PDK e PS-91. Pritet vendimi që do të marrë ky grup rreth seancës së sotme parlamentare.

Greva e deputetëve ne Parlament, nuk dihet “fati” i seancës së sotme

Ora 09:42--Nuk dihet ende në cfarë kushtesh do të zhvillohet seanca e sotme parlamentare. 10 deputetët grevistë shprehen të bindur se nuk do të tërhiqen nga salla e parlamentit për shkak të zhvillimit të seancës plenare të radhës. Ndërkaq, Kryetarja e Kuvendit ka lajmëruar sot për zhvillimin e punimeve të Parlamentit. Ajo u kërkoi deputetëve grevistë që të gjejnë mjedise të tjera për të zhvilluar grevën.
Kryetari i PDK, Nard Ndoka në një lidhje telefonike për News24 u shpreh se deputetët grevistë do t’i qëndrojnë kërkesave të tyre deri në fund. Nga ambientet e Kuvendit ku ata qëndrojnë të “ngujuar” prej rreth 60 orësh, Ndoka shton se pavarësisht seancës që pritet të zhvillohet sot ata nuk do të lëvizin nga Parlamenti.
“Shpresojmë kjo grevë të shërbejë për plotësimin e kërkesave tona. Nuk do lëvizim nga parlamenti. Vendi ynë ndodhet në udhëëkryq, rrezikohet pluralizmi, dhe kjo rrezikohet nga dy partitë politike. Nuk besoj se do të ketë seancë normale, kjo si për vetë mazhorancën apo për PS. Greva e urisë në emër të votës së lirë do ta vendosë në vështirësi sot Berishën”, tha Ndoka.
Kreu i PDK bëri thirrje që të ndalohet dhuna, që sipas tij po iu ushtrohet protestuesve jashtë dyerve të Kuvendit. Në lidhjen telefonike me News24, ai shpjegoi dhe takimin që patën një ditë më parë më zonjën Topalli. “Patëm një takim të shkurtër me zonjën Topalli. Ajo nuk mori vendim, por u skandalizua me kushtet ku ndodheshim dhe mostërheqjen tonë. I kërkuam që mos të na takojë më, pasi ajo injoroi kërkesat tona dhe ushtroi forcë nëpërmjet gardës ndaj nesh dhe protestuesve”.
Ndërkaq sic u lajmërua nëpërmjet Konferencës së Kryetarëve një ditë më parë, në Kuvend, pikërisht në mjediset ku zhvillohet greva, pritet të zhvillohet seanca e radhës së Parlamentit. Dje Konferenca shprehu shqetësimin për faktin që grevistët po e zhvillojnë grevën në kushte të papranueshme edhe për shëndetin e tyre, ndaj i fton ata t’i bëjnë thirrje arsyes dhe përgjegjshmërisë së tyre politike.
Për këtë arsye, Konferenca e Kryetarëve u shpreh se duhet të kërkohen mjedise të tjera të përshtatshme.
Ndërkaq edhe sot para godinës së Parlamentit janë dhjetra mbështetës së deputetëve grevistë që me pankarta në duar protestojnë në mbrojtje të votës së lirë.